Ferðamenn koma til Íslands til að upplifa bæði náttúru og menningu landsins og því mikilvægt fyrir heildarupplifun þeirra að við tökum vel á móti þeim á gististöðum okkar.

Í maí og júní munu ráðgjafar okkar að ferðast um landið og halda okkar vinsæla þjónustunámskeið á nokkrum sérvöldum stöðum. Markmið námskeiðsins er að kynna starfsfólki fyrir íslenskri gestrisni sem og þeim alþjóðlegu stöðlum sem mikilvægt er að fara eftir.

Námskeiðið er á ensku, nema allir þátttakendur tali íslensku, og verður farið yfir fjölbreytt atriði þar á meðal:

• Hvað felst í íslenskri gestrisni og sögu hennar
• Aðferðir sem starfsmenn geta nýtt til að lesa gesti og aðstæður hverju sinni
• Hvernig best sé að taka á móti og vinna úr kvörtunum
• Mikilvægi fagmennsku í formi útlits og framkomu

Námskeiðið er hannað til að aðstoða starfsfólk við að öðlast aukið sjálfstraust í starfi og fá skýrari sýn á hvernig hægt er að veita framúrskarandi þjónustu. Að auki er lögð áhersla á mikilvægi þess að þekkja fyrirtækið og nærumhverfi hótelsins.

Námskeiðið hentar öllu starfsfólki hótelsins. Kennsluformið er fjölbreytt blanda af fyrirlestrum, umræðum og verkefnavinnu ásamt því að sett verða á svið mögulegar aðstæður sem starfsmenn geta lent í til að tryggja að það gagnist þátttakendum sem best.

Fjárfesting í þjálfun starfmanna er fjárfesting sem skilar sér. Rannsóknir hafa sýnt að rétt fræðsla og þjálfun eykur arðsemi og bætir gæðin þar sem góð þjálfun leiðir til minni rýrnunar, fjarveru starfsmanna, kvartanir og starfsmannveltu.

Athugaðu að margir starfsmenntasjóðir veita styrki til námskeiða fyrir starfsmenn.

Nánari upplýsingar um skráningarskilmála